சென்னைவாசி

பெரிதாய் ஒரு தோரணை
சென்னையில் வசிக்கிறேன் என்று
ஊர்க்காரர் விமர்சிக்க ஒரு தலைப்பு கிடைத்துவிட்டது
சென்னையில்
சுகமான வாழ்க்கை வாழ்வார்கள்,
கை நிறைய சம்பளம்,
கிடைத்த நேரமெல்லாம் கடைதெரு பயணம் ,
துரித உணவு வாழ்க்கை என்று
விமர்சகரே சற்று வந்து பாரும்
சென்னைவாழ் மக்களை
காலரை தூக்கி சொல்வாய் நீ  பெரும் யோககாரன் என்று ...
சிங்காரமாக வாழப்போகிறோம் என்ற
கனவில் வருவபர்களுக்காகவே
காத்திருக்கும் சிக்கனமான  வாழ்க்கை
கை நிறைய சம்பளமாம் - ஆம்
அதைவிட  அதிகமான தேவைகள்
வாரவாரம் கடைதெரு பயணமாம் -ஆம்.
என்னை போன்றவர்களை பார்க்க சரியான இடம் அதுவல்லவோ ?
சென்னைவாசிகள் ஆடம்பரமானவர்கள்
என்று சொன்னது யாரோ எவரோ
இன்று சொன்னவர் இருந்திருந்தால்,
நிச்சயம் மன்னிப்பு கேட்டு இருப்பார் .
புரிந்து கொள்ளுங்கள்
சென்னையில் வாழ்வபர்களில் பெரும்பாலானோர்
சென்னைவாசிகள் அல்ல என்று !

திருமணம்

கரம் பிடிக்க வந்தவனை 

தரம் தாழ்த்தி ஏசும் 

உறவினர்கள் 

தலை நிமிர்ந்து வாழும் 

போது சிரம் தாழ்ந்து 

செல்வார்களா ? 

ஏற்றுக்கொள் காதலை

காதல் சிறையில்
ஆயுள் கைதியாய்
வாழ ஆசை  படுகிறேன்
என்னை தூக்குதண்டனை
கைதியாய் மாற்றிவிடாதே !

சீருடை

பணக்காரன் ஏழை
மேல் சாதி கீழ் சாதி
என்ற வேற்றுமையை
திங்கள் முதல் வெள்ளி
வரை உடைத்தெறிந்த
சீருடை சனிக்கிழமை
மட்டும் அப்பட்டமாய்
காட்டியது உண்மையை ....

இப்படிக்கு மரம்

காற்றே !
தீண்டாமை ஒரு குற்றமாம்
போகும்போதே தீண்டி விட்டு செல்
இல்லையேல் குற்றவாளி ஆவாய் ...

நண்பனாய் ஒரு காதலன்

அர்த்தமற்ற என் வாழ்கைக்கு
அர்த்தம் தர வந்தவன் நீ
காதலனாய்  அல்ல நண்பனாய்

காதல் ஓவியம்

ஓவியமாய் நாம் இருவரும்
தூரிகையாய் நம் காதல்  ....

காதல்

பூட்டிய வீட்டில்
மாட்டிகொண்டன
பூனைகள் ...

என் பள்ளி

புழுதியான சாலை
தேங்கிய தண்ணீர்
பரபரப்பான தேர்வு
பதறிய நொடிகள்
தெரிந்த கேள்விகள்
தெரியாத பதில்கள்
உடைந்த பென்சில்
கடன் கொடுத்த ரப்பர்
கடன் வாங்கிய பேப்பர்
அவிழ்ந்த ரிப்பன்
எண்ணெய் தலைகள்
பவுடர் பூசிய முகங்கள்
பழக்கமில்லாத நபர்கள்
கடந்து வந்த சாலைகள்
இடிந்த கட்டிடம்
உணவு இடைவேளை
களவாடிய பொருட்கள்
கவனிக்காத அறிக்கைகள்
கற்றுக் கொண்ட பாடங்கள்
களட்டி விட்ட தோழி
சின்னதாய் ஒரு கோபம்
பெரிதாய் ஒரு சிரிப்பு
கண்ணீரை துடைத்த
கைகள்
ஓடி விளையாடிய பொழுது
முடிக்காத வீட்டுப்பாடம்
மை இல்லாத பேனா
கிறுக்கிய இருக்கை
கிறுக்கல் இல்லா மனம்
தண்டனை தந்த ஆசிரியர்
விடுமுறை தந்த ஏக்கம்
உடைந்த கரும்பலகை
ஒளித்துவைத்த சிலேட்டு குச்சி
ஒப்புவித்த திருக்குறள்
மனனம் செய்த செய்யுள்
பிழையில்லா பேச்சு
பிழை செய்யும் இலக்கணம்
கந்த ஆடைகள்
வரிசையில் நின்ற கூட்டம்
நடனம் ஆடிய மேடை
முதல் வாழ்த்து அட்டை
திருப்பி கொடுத்த பரிசுகள்
காணாமல்போன புத்தகம்
அட்டை போட்ட நோட்டுகள்
எச்சில் தின்பண்டம்
ருசி பார்த்த உணவு
இவை அனைத்தும்
நினைக்க மறப்பதில்லை
சாலையோர பள்ளிகளை
கடக்கும் போது .......

பேஸ்புக்

படிக்க பிடிக்காதவர்களுக்கும்
உன்னை பிடிக்கிறது
உன்னை அறிந்த நாள்
முதல் நான்
பலரை புதிதாக
அறிந்து கொண்டேன் .
பழைய நட்பையும் ,
புதுப்பித்துவிட்டாய்
புதிய நட்பையும்
உருவாக்கிவிட்டாய் .


அழகில்லாதவர்களும் அழகாக
தெரிகின்றனர் உன்னால் ,
உன்னால் இணைந்தவர்களும்
பிரிந்தவர்களும் ஏராளம்
உன் பயன்படுகளோ
தாராளம் ...


உனக்கு இணையாக
Orkut, Twitter இருந்தாலும்
உனக்கான மதிப்பு
குறைவதில்லை என்றும்

குழந்தை முதல் பெரியவர்
வரை உனக்கு
பழக்கமில்லாதவர்கள் இலர்


உன்னை காண வருபவர்களை
வசியம் செய்கிறாய்
சிலரை அடிமையாக மாற்றுகிறாய்
பலரை பைத்தியம் ஆக்குகிறாய்

நீ அறியாத மொழிகள்
தான் உண்டா இல்லை
நீ இல்லாத இடம் தான் உண்டா ?

Like என்ற பெயரில்
நட்பை வளர்க்கிறாய்
Comment என்ற பெயரில்
கேலித்தனம் செய்கிறாய்
Block என்ற பெயரில்
சில சமயம் சங்கடபடுத்தினாலும்

Request என்ற பெயரில்
ஆனந்தப்படுத்துகிறாய்

Chat மூலம் நேரத்தை
கழிக்க வைத்தாலும்
Apps மூலம் விளையாட
கற்றுக்கொடுக்கிறாய்
Poke என்ற பெயரில்
கிள்ளும் நீ,
என்னுடன் பேசாத
நண்பன் ஆகிறாய்

நீ இல்லாத Internet
அர்த்தமற்று தான் போகிறது
சில சமயங்களில்  ! ! !

நாகரிக வளர்ச்சி

Buffet என்ற பெயரில் 

பல பதார்த்தங்கள் உண்டாலும்

வாழை இலை தரும்

ருசி கிடைப்பதில்லை

இன்று 

Page page ஆக அனுப்பும் 

E-Mail இல் கடிதம் தரும் 

திருப்தி கிடைப்பதில்லை

இன்று

Video Chat இல்

உன்னைப் பார்த்தாலும் 

உன் அருகாமை தரும் 

இதம் கிடைப்பதில்லை

இன்று 

AC காரில் சென்றாலும் 

வேப்ப மர நிழல் தரும் 

குளுமை கிடைக்கவில்லை 

இன்று 

Outing என்ற பெயரில் ஊர்

சுற்றினாலும் குட்டிச்சுவர்

தந்த உவகை இல்லை

இன்று 

Serial பார்த்த எங்களுக்கு 

தெருக்கூத்து பிடிக்கவில்லை 

இன்று 

Ovan இல் பார்த்து பார்த்து 

சமைத்தாலும் 

மண் சட்டி தரும் 

பதம் கிடைக்கவில்லை 

இன்று 

Virtual Visit செய்த போதிலும் 

கோவில் திண்ணை 

தரும் நிம்மதி 

கிடைக்கவில்லை 

இன்று 

Desserts என்ற பெயரில் பல

இனிப்புகள் இருந்தாலும்

கருப்பட்டி சுவை 

மறப்பதில்லை

என்றும் 

கண்ணாமூச்சி தந்த

சந்தோசம் கிடைக்கவில்லை 

Video Games இல் 

நாகரிக வளர்ச்சி என்ற பெயரில் 

நீ நடத்தும் நாடகத்தில் 

எங்களையும் நடிகர்களாக 

மாற்றிவிட்டாய் ,

தொழில்நுட்பம் என்ற பெயரில் 

தொல்லையாக நீ மாறுவதை 

உணரவில்லை போலும் 

எனக்கு கிடைத்த பொக்கிஷம் 

என் மகனுக்கோ என் பேத்திக்கோ 

பள்ளிப் பாடமாக மட்டுமே

வரப் போகிறது 

என நினைக்கும் போது 

ஆதிமனிதன் ஆக

மாறிவிட்டால் என்ன என்று 

தோன்றத்தான் செய்கிறது 

எல்லோருக்கும் ,

கையில் காபியுடன் 

நான் முதியோர் இல்லத்தில் ...

எனக்குப் பிடித்தவன்

சில நேரங்களில்
சிலரைப் பிடிக்கும்
பல நேரங்களில்
பலரைப் பிடிப்பதில்லை
பிடிப்பதற்கும் பிடிக்காதற்கும்
காரணங்கள் ஆயிரம்
இருப்பினும் சொல்ல
தெரியவில்லை
என்றும் எனக்கு
பிடித்தவன் நீதான்
என்பதை ......

ரப்பர்

உன்னைக் கடன்
கொடுக்காதவரும் இலர்
கடன்  வாங்காதவரும்
இலர் ,
பெரும்பாலான நட்பு
உன்னால் மலர்ந்ததே !

குடை

நீ என்னுடன்
இருக்கும் போது
மட்டும்
இயற்கை அன்னை
ஏமாற்றுகிறாள்....

முதியோர் இல்லத்தில் தாய்

ஆயிரம் வார்த்தைகள்
தராத சந்தோசம்
உன் முதல் கிறுக்கல்
எனக்கு தந்தது ....

கரண்ட்

நேசிப்பவர்களை கண்டால்
மட்டுமே வரும்
பிரகாசமானது இன்று
உன்னைக் கண்டால்
மட்டுமே வருகிறது .....

என் குரு வைரமுத்து அவர்களுக்கு !

என் திறமையை தேட
சொன்னர்கள்
நானோ என்னையே
என்னுள் தேடினேன் !
தேடலில் பலமுறை
தடங்களை தொலைத்ததுண்டு ...
இருப்பினும் இளமையின்
வேகம் என்னை விடவில்லை.
தேடலின் நீளம் அதிகமானது
கடைசியாக உன் பாதையில்
பயணிக்க எண்ணினேன்.
சிறு வயதில் நடக்க
கற்றுக்கொண்டேன்
விழுந்து  எழ
கற்றுக்கொடுத்துதது
அனுபவம் .....
தேடலும் தொடங்கியது
உன் பாதையும் அடைந்தேன் !
இன்றும் உன்னை காண
முடியவில்லை என்ற
ஏக்கத்துடன் திரும்பும்
 பல குரல்களுக்கு
மத்தியில் உன்னைகண்டே
தீருவேன் என்ற சில
குரல்களுடன்  நானும்
ஒருவள் ஆக வலம் வருகிறேன்,
உன் கைகளைப் பிடித்து
கவிதை நடை பயில
விரும்பும் பலரில்
ஒருவளாக ! :) :) :)

அண்ணியாக ஒரு தோழி !

உன்னிடம் பழகிய
நாட்கள் என்னவோ
குறைவுதான் ஆனால்
பரிமாறிக்கொண்ட
விஷயங்கள் அதிகம் ! !
அண்ணியாக வரப்போகும்
நீ இரட்டைச்சதம் அடித்து
விட்டாய் .....
ஒன்று என் அண்ணன்
மற்றொன்று நான் ! !
புகுந்த வீடு
புதிராக இருந்தாலும்
உனக்கான விடையாக
நான் இருப்பேன்
என்றும் தோழி
 என்ற பெயரில்  ! !.........